Catiri – Dialuna marduga algo pasa di 1:30 polis a bay den e area conoci pa accidente ariba e caminda di Catiri, unda cu un auto a ranca un steun paal pa despues kibra un cura di cas.
Na yegada di polis nan a constata hopi daño material y un chauffeur femenino tras di stuur cu ta herida, e tawata comunica cu polis pero no tawata kier pa a yama su mama bis’e kiko a pasa .
Kia Rio
E dama na stuur di e Kia Rio tawata biniendo di zuid, momento cu pa un of otro motibo a perde control completo ariba e stuurwiel.
Por a mira cu for di basta meter pazuid e la baha caminda ma su rechts, rancando un steunpaal di Elmar y bay termina kibrando un cura di cas.
Un cantidad di parti di e auto a keda gespart rond.
Daño na e cas
Den e impacto fuerte aki un bloki a bula door di e bentana di sala bay cay paden, danki Dios ningun habitante a resulta herida. Cura di e cas tambe a keda coompletamente destrui.
Paramediconan
Ambulance a wordo pidi y na su yega Paramediconan a bay mira e situacion di e dama den e auto cu tawata hopi onrustig. Un impacto fuerte, por a mira cu e airbag a bula tambe.
Nan a opta pa transporte pa Hospitaal pa mas observacion.
Polis di trafico a presenta pa tuma dato di tur locual a sosode, daño material na e cura di cas y tambe bentana ta considerabel. Takelwagen a presenta pa asina bay cu e auto y hibe cas di e dama.
No ta conoci si e dama lo por tawata bou influencia debi cu e no a wordo getest pa alcohol.
