Home » E agente policial a keda seriamente herida, cu basta sla na curpa y un brasa fractura, cu urgencia a pidi pa un ambulance.

E agente policial a keda seriamente herida, cu basta sla na curpa y un brasa fractura, cu urgencia a pidi pa un ambulance.

by Admin
0 comment 49 views

Un patruya di polis a bay para un auto pa haci un control, aparentemente e recidivista J.K. tabata tras di stuur di e auto, un toyota Tercel berde y esaki a pasa dal un agente policial y a sigui core. E agente a keda seriamente herida y cu urgencia e la wordo transporta pa hospital.

Boegoeroei: Diadomingo algo despues di 2’or y mey di marduga, na momento cu polis a bay para un Toyota Tercel berde. E persona tras di stuur tabata e conoci di polis J.K. a pasa dal un di e agentenan policial y a sigui core.

Agente policial a wordo transporta cu urgencia pa hospital
E agente policial a keda seriamente herida, cu basta sla na curpa y un brasa fractura, cu urgencia a pidi pa un ambulance. Na yegada paramediconan di ambulance mesora a trat’e y a transporte cu hopi urgencia pa hospital. Slachtofferhulp a wordo pidi pa bay hospital pa atende cu e agente cu a keda seriamente herida.

Buskeda den area di Boegoeroei pa e sospechoso
E agente policial despues di a mira con e Tercel a pasa dal su colega, mesora a bati alarma y a pidi pa presencia di mas patruya di polis. Na e sitio hopi lihe a yega varios unidad di polis, e caminda a wordo cera y a pidi pa departamento tecnico di polis yega na e sitio pa cuminsa cu mas investigacion. Mientras tanto varios otro unidad di polis a cuminsa cu un buskeda den Boegoeroei y becindario pa e auto. Tambe a bay te na Papaya unda e sospechoso J.K. ta biba, pero sin resultado.

Polis a topa cu e Toyota Tercel
Den e segundo caya pazuid di Hong Fa bay pariba, polis a bin topa cu e Toyota Tercel. E auto tabata cendi y dos tire tabata gekap, mesora a bin compronde cu e sospechoso lo a baha for di auto y a core bay. Riba camara di seguridad eybanda por a mira con e la core bay pariba y despues lo a bay panort.

Buskeda sin resultado
Helicopter di polis tabata lusa pa asina yuda busca den e area. Team di Aresto tambe a wordo pidi y tabata busca den e area, den containernan bashi, apartamentonan bandona y den mondi, pero no a logra topa cu e sospechoso.

Auto a wordo confisca
Despues cu departamento tecnico a caba cu nan investigacion riba e Toyota Tercel berde, e auto a keda confisca. Probablemente e number di e auto lo tabata registra riba nomber di un otro conoci di polis. Ambos ta persona ta conoci di polis y ta wordo considera peligroso, pa motibo cu nan por tin arma di candela den nan poder.

Revolver haya benta na rand di caminda
Mientras cu polis tabata bezig na e sitio, un persona a reverse su auto net na momento cu e tabata saliendo, e la mira cu tin un revolver benta na rand di e caminda. E revolver tabata mustra basta bieu. E tabata benta den e mesun caminda unda un poco mas pariba J.K. a laga e Toyota Tercel atras. Mesora a avisa polis, e arma di candela a wordo confisca pa mas investigacion.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio