Home Police Dama na estado entre esnan herida despues di accidente di trafico

Dama na estado entre esnan herida despues di accidente di trafico

SHARE

Weststraat/ Prof.lorentzstraat

Diasabra anochi polis y ambulance a bay e crusada conoci pa accidente cu ta Weststraat y Prof.lorentzstraat, unda a sosode otro accidente cu hende herida.

Ocupante na estado

Un ocupante den e Toyota Vitz a resulta herida y a pidi ambulance pura debi cu e dama ta algun luna na estado, tambe e tawata keha di dolor na curpa.

Kia Sportage

Un persona den e Sportage despues di e accidente a baha y bandona e sitio mientras un otro cabayero si a keda atras, debi cu e lo tawata sinti dolor.
E impacto contra e Sportage tawata den e banda drechi unda e cabayero tawata sinta.

Dos ambulance a yega e sitio

Dos ambulance a yega e sitio pa atende ambos herido, unda cu e prome ambulance a sali direccion Hospitaal cu e dama.
E cabayero mes a cana subi Ambulance.

Falta di dunamento di preferencia tawata motibo di e accidente aki, unda cu e Kia Sportage a haya impacto den su bansa drechi.

Kiko ta e motibo cu e supuesto chauffeur di e Sportage a baha y move di e sitio no ta duidelijk.

Takelwagen mester a presenta na e sitio pa move e vehiculonan.