For di anja 2003, ILO (International Labor Organisacion) ta celebra riba 28 april, e dia di “Safety & Health at Work”. Unda ta duna atencion special na e tema di Seguridad & Salud na pia di trabou. E anja aki e organisacion a bin cu topico di “traha riba un cultura positivo di Seguridad & Salud. Ban actua hunto”
For di 2005, ILO a recomenda Aruba pa acorda cu Convenio 155 of 187. Asina bin cu un “framework” pa “on the long run” introduci leynan moderno pa loke ta trata di Seguridad & Salud na pia di trabou, como cu e leynan actual cu ta e “Ordenansa di Seguridad” (Veiligheidsverordering- en Belsuiten) ta hopi anticua, y no pas mas pe tempo di awe.
Na 2007 a cuminsa hasi un exfuerso pa acorda cu esaki, y a bin cu e Rapport “Voorstel mordenisering arbeidomstandigheden wetgeving”. Pa despues e desarollo aki a stagna. Ta te na November 2011 a bin movicion atrobe, unda a lanta un commicion di “werkveiligheid” di parlamento di Aruba, cu a hasi cu na Juni 2013 minister di labor di e tempo ey, a bisa; “Mi ta poniendo accento riba e ArboWet”, y a laga conduci un estudio cu a dura di 2013 pa 2014 riba e tema di ArboWet. Pa Oktober 2014 parlamento a ricibi e Nota ArboWet Aruba. Na 2015 e Minister ta enfatisa cu ArboWet tin benificio pa Aruba. Gobernacionnan a cambia, y ela pasa di un minister pa otro.
Na 2018 Minister di Labor ta firma un decreto ministerial pa reactiva e commicion Tripariet, y na anja 2019 ta organisa 2 Congreso (April & November) cu e tema “Dialogo Social Laboral Tripartiet” riba e tema di ArboWet Aruba. Di e moda aki pa cuminsa na formalisa e ley un bes mas. Lamentablemente na 2020 Covid a dal mundo henter, cu a hasi cu a stagna e progreso di e ley aki, un bes mas.
Nos ta drentando e di 5 luna di anja 2022, ban spera cu lo por “jumpstart” e desarollo riba e tan afama ArboWet Aruba aki, y cu por introduci’e mas tarda cu 28 april 2023. LET’S ACT TOGETHER.
Rock