Home Politics MINISTER ENDY CROES A ATENDE SIMPOSIO DI ECONOMIA CIRCULAR

MINISTER ENDY CROES A ATENDE SIMPOSIO DI ECONOMIA CIRCULAR

SHARE

 

Presenta pa Biblioteca Nacional Aruba (BNA) y a tuma luga na Cas di Cultura

 

ORANJESTAD: Diabierna ultimo Biblioteca Nacional Aruba a organisa e di 10 edicion di ‘Sustainable Education Symposuim’ (SES). E tema e aña aki ta trata economia circular. Durante e simposio Minister Endy Croes hunto cu Directora di Biblioteca Nacional Aruba Sra. Astrid Britten a hiba un discuro alabes contesta algun pregunta referente e tema. Minister Endy Croes a ricibi e pregunta pakico Gobierno di Aruba ta sostene e simposio educacional unda e mandatario indica cu ta sostene esaki pa asina crea conscientisacion bou di e generacion mas hoben y alabes pa stimula educacion sostenibel dentro di enseñansa na Aruba. E ‘keynote speaker’ di e anochi tabata profesor Manuel Maqueda di Harvard Extension University cu a duna un presentacion sublime. E hoben Dylan Farro tambe a duna un presentacion magnifico. Otro invitadonan sr. Olivier Vieira y sra.Christie Mettes tambe a brinda nan contribucion riba e tema economia circular. Meta di e simposio ta uno educativo pa conscientisa studiantenan, maestronan y publico general. Alabes ta ilustra iniciativanan cu tin riba e tereno di sostenibilidad. Minister ta felicita Biblioteca Nacional Aruba kendenan a organisa e evento aki pa di 10 aña. Pabien!