Jan Flemming – Diaranson anochi algo pasa di 8:30 un cantidad di patruya di polis a bay Jan Flemming, unda cu na un cas lo a presenta 1 of mas persona cu arma di candela.
Na prome instante no tawata tin mucho claridad si lo por tawata trata di un atraco arma.
Adres menciona
Polisnan a yega cu urgencia na e adres unda cu e incidente a sosode.
Eynan e persona cu lo a hay’e den e problema a splica polis kiko cu aparentemente a sosode.
Segun e homber e no conoce e personanan debi cu nan tawata tin capuchon y e scuridad lo a obstaculisa pa e por a mira ken nan ta.
Polis a bay un otro adres despues, cu ta eybanda mes cu ta un cas conoci pa autoridad.
Eynan polisnan a saca afo kiko a sosode y cu e homber na e otro adres tawata sa bon ken a bin su cas.
Polis na e cas aki a efectua tres detencion, tawata trata di tre hoben, cu a bisa cu berdad nan lo a bay na e cas.
Despues cu polisnan a hiba e tresnsn warda di polis na Macuarima polisnan a detene un persona mas.
Ta trata di un homber Venezolano, cu a sali di e mesun adres for di na banda, o sea unda e hobennan a wordo deteni.
Den su posesion a haya klop, cuchiu y tambe bulletproof vest y algun cos mas.
Origen di e problema
A bin resulta unda cu polisnan a bay prome unda cu e hendenan lo a yega cu arma ta e persona ey mes a start e problema un rato prome cu e hobennan. Despues e hobennan lo tawata kier a regla cuenta cu ne, es decir nan tampoco no ta “keda cu nan sla”.
No tawata tin arma di candela den e problema aki y tampoco hende a wordo maltrata.
Pero si por spera mas problema den futuro, debi cu e partidonan aki no ta biba leu di otro.
