Santa Cruz – Diaranson anochi den careda di 10:30 polis a bay altura di CEDE di MEP, pa un accidente serio.
Cu urgencia tanto polis y ambulance a yega e sitio.
Dos auto envolvi
Na e sitio danki Dios no tawata tin persona herida y tampoco tawata trata di un accidente serio.
E autonan envolvi tawata un auto marca Honda Civic cu ta pertenece na e chauffeur cu a causa e accidente y cu tawata bou di influencia.
E di dos auto tawata un Chevrolet S10 o sea un pick up.
Impacto
Por mira cu e impacto contra e S10 a tuma luga dilanti e edificio di WEMA. Eynan e pick up bayendo direccion zuid a haye confronta cu e Honda color cora bayendo nort cu a hala na su man robes door cu e tawata bebi.
Di eynan e la sigui core entre algun meter y altura di Cede di Mep e la stop, debi cu e wiel banda robes a kibra por completo. E pick up tampoco por a sigui debi cu den e impacto e la kibra e wiel patras banda robes.
Chauffeur deteni
Na e sitio mes polis a detene e chauffeur y hibe warda.
Su auto segun polis hopi posibel cu ya algun rato prome e lo por a dal un otro caminda, debi na algun otro sla ariba e auto. Por ehempel e back shield(bentana patras) tawata completamente destrui.
Polis a confisca e Honda Civic pa mas investigacion. Ambulance cu a yega e sitio no tawata tin mester di a duna ningun asistencia door cu no tawata tin hende herida.
