Kamerlingh Onnesstraat/ Solito – Dialuna anochi rond di 9:45 un Suzuki Van color blanco ariba e t-kruising di Solito cu Wabistraat ta alcansa un peaton.
Polis di Oranjestad
Polis di Playa mesora a sali cu maximo urgencia pa e sitio.
Na yegada ta constata cu ta trata di un accidente serio.
Ambulance mientrastanto tawata yegando cu urgencia.
Tres ambulance
Na e sitio a presenta tres unidad di ambulance, cu mesora a wordo indica unda e peaton a bay cay despues di e impacto fuerte.
Testigo
Segun un testigo, e peaton cu segun nos a compronde ta un hoben lo tawata tin algo den su man, probablemente e lo por tawata cana comiendo algo.
E testigo a sigui splica cu e peaton lo a cana subi caminda kizas sin pone tino cu tin trafico yegando cerca.
Asina e Suzuki Van bayendo zuid a dal e hoben mandando den e greppel pabou di caminda, unda cu na yegada di Paramediconan no por a haci mucho mas. Na e parti drechi dilanti di e Van e impacto a tuma luga. E trauma mas tanto tawata na e craneo o sea su cabes a resulta fatal.
Polis a notifica instancianan concerni entre otro Dokter Texier cu ta e dokter cu mester presenta pa constata morto.
Departamento tecnico tambe a wordo poni na altura pa yega na e sitio, unda a bay over na tuma e Van e den beslag pa mas investigacion.
