Homber agresivo: Un bisiña ta menasa otro bisiña cu cuchiu

Paradera – Diasabra atardi dos unidad di Playa a direccion Paradera, unda cu lo tin un homber bou influencia di un of otro substancia den posesion di un cuchiu.

Na yegada di polis ya e homber lo a bandona e sitio den un Suzuki Alto shinishi.
Polis a haya descripcion tambe di e homber.

Aki lo ta trata problema entre dos bisiña, algo cu ta haci e situacion poco mas fastioso debi cu nan ta cerca di otro ariba un pidi tereno.

No ta duidelijk kiko por a conduci cu e homber a saca cuchiu y tambe un tool pa traha ariba auto pa agredi su bisiña.
Segun e bisiña e homber mester ta bastante altera y agresivo.

Polis lo a bay tira bista rond pa wak si por localisa e auto cu e homber aki.