Oranjestad – E guera contra droga ta mustra cu no tin un fin aki na Aruba. Ultimo tempo cuerpo policial ta drentando varios cas y na diferente parti di Aruba. Constantemente personanan cu ta den mundo di droga o sea cu ta bende ta cay cera.
Pero mester bisa tambe ni maske cuanto noticia e otronan cu ta den e mesun business aki no ta hala atras, keriendo cu nunca autoridad lo bati na nan porta.
Awe 6 persona a wordo aresta, relaciona cu bendemento di droga, lamentablemente entrenan un mucha muhe di 18 aña.
Arubanative.com a capta momento cu CEA a trece 4 sospechoso warda di Shaba, entre nan mucha muhe(18). Slachtofferhulp tambe tawata presente durante e entrada hudicial. Articulonan confisca a wordo entrega na recherchenan cu tin di haber cu e caso.
Siguientemente informacion oficial ricibi di parti Cuerpo Policial di Aruba:
” Team Drugspanden cu entrada hudicial na un cas na Brazil y a detene 6 sospechoso.
Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.
En conexion cu un investigacion andando Project Team Drugspanden a haci entrada hudicial na un cas na Brazil.
Aki a detene 5 hende homber di inicialnan:
A.S.D. K. naci na
Aruba di 17 aña,
G.U.L. H. naci na Aruba di 24 aña,
C.J.R. G. naci na
Aruba di 32 aña,
E.A. V/D B naci na Aruba di 29 aña,
A.C. T. naci na Aruba di 61 aña.
Y un hende muher di inicialnan:
D.A. P. naci na Aruba di 18 aña.
Durante razzia na e cas na Brazil a confisca droga entre otro piedra y cocaina.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo pa bendemento di droga”.
