Tanki Flip – Diabierna Santo atardi algo prome cu 6:30 informacion a drenta cu na Tanki Flip un persona a wordo haya sin bida.
Mesora polis a bay e sitio pa pone su mes na altura di e sucedido.
Na yegada di polis ya Paramediconan tawata na e sitio, pero mucho cos no tawata tin pa haci mas, debi cu e persona un hende homber conoci bou e nomber Juancho T. tawata tin casi 24 ora morto dilanti su cura di cas.
Pa compronde bon, e cura di e cas tin un pasada cu ta cubri pa cadushi.
Posiblemente door di e biento hopi fuerte niun hende lo a haya “holor”.
Medicamento
Polis a sali for di e cas unda e cabayero ta bida cu varios paki di remedi. Segun conocinan di e cabayero aki, diasabra siman pasa tawata ultimo biaha cu nan a mira Juancho T, cu lo tawata malo pa basta dia caba.
Polisnan a cera e area pa asina e departamentonan concerni haci nan investigacion.
Juancho T. lo tawata biba su so.
Momento cu e la wordo haya algun famia a yega despues di e tende di e noticia tristo.
Di parti Arubanative.com nos ta extende palabra di condolencia na e famia.
