Oranjestad – Siman pasa diamars y diaranson abogadonan di e sospechosonan den caso Avestruz tabata presente pa scucha e reaccion di Fiscal riba nan peticionnan.
Diamars pa diaranson(siman pasa) Hues mester a tuma e decision un biaha mas si e abogadonan lo por haya e documentonan cu e Parlamentario a entrega dia
cu e la wordo aresta.
ARUBA NATIVE por a compronde cu algun di e abogadonan a reacciona riba Fiscal cu a keda mantene su posicion cu no ta entrega documentonan di Sevinger.
Fiscal a bisa Hues cu Ministerio Publico ta keda mantene su punto di bista esta cu no ta bay haci entrega di documentonan y declaracion di Sevinger haci na Landsrecherche, esta tempo cu e la wordo deteni.
Fiscal a bisa Hues cu lo duna bek administracionnan confisca di e sospechosonan na su debido momento.
Mr. Carlo a remarca cu si e investigacion ta sera manera Fiscal a bisa, mester duna bek tur loke a confisca.
Mr. D. Kock tambe a puntra Fiscal pa ki tempo lo por haya administracion y documentonan di su clientenan.
Hues a bisa cu e ta bay evalua y su siguiente dia mainta lo tuma un decision.
Hues su desicion e otro dia
Hues a bolbe nenga e peticion di abogadonan pa haya e documentonan di Sevinger.
Averechts
Pa loke ta e peticion di varios abogado pa e documentonan cu Sevinger a duna Landsrecherche relaciona cu dunamento di tereno, Hues a bisa cu e ta mantene su decision manera el a bisa na Februari 2022. Den su decision di Februari 2022, Hues a bisa cu e documentonan ta importante pa e caso y Fiscal ta dicidi riba esakinan. Esey ta nifica cu ningun documento cu Sevinger a duna Landsrecherche, abogadonan lo haya. Hues a bisa cu e documentonan lo wordo inclui den e documentonan di e caso penal Avestruz.
Aki nan nos kier a yega. Ta asina cu tempo cu Sevinger a cay cera e lo tawata tin un “bunch” di documento cla pa entrega Landsrecherche.
Esakinan tawata pa mustra con tur cos a cana y cu ta “semper” nan a traha asina, ilustrando den su pensamento cu no tin nada malo.
Pero a resulta cu e documentonan a bira un “eye opening” pa e investigadornan cu por bisa a haya hopi informacion importante sirbi den teblachi door di e mesun Sevinger.
Eyden lo tin nomber y fam, pues detayenan relevante pa cu e caso Avestruz.
Awor cu a realisa cu entrega di e stapel di documento a traha robes e abogadonan cu no por trace kiko tur a wordo entrega(kizas Sevinger tampoco ta corda) pa asina nan por built un case a haci e peticion aki pa hayanan bek, y asina studianan pa mira con comprometedor esakinan ta a bira algo imposibel pa haya. Sigur lo haya esakinan bek, pero manera a wordo bisa caba na su momento.
Hues a palabra cu 14 Juni 2022 pa 11’or di mainta, lo topa den sala di Corte pa mira con leu a yega cu e interogacionnan y asina planea kico lo bay sosode cu tratamento di e caso Avestruz.