Home » Baby prematuro (25 siman), despues di 19 luna a sali for di hospital

Baby prematuro (25 siman), despues di 19 luna a sali for di hospital

by Admin
0 comment 105 views

Boston, Massachusetts:

Un mucha cu a nace cu 25 siman, despues di a pasa su prome 19 lunanan di bida den hospital por fin por a bay cas y reuni cu su otro tres rumannan.

Bradi Foster, di Plymouth Massachusetts, a wordo saluda cu bubbles y alegria na momento cu porfin e por a sali di e hospital Franciscan Children’s hospital, cu ta un pediatric post-acute care hospital na Boston.

Bradi Foster a nace dia 9 di augustus 2020,na Boston’s Beth Israel Deaconess Medical Center. E la nace durante un cesario di emergencia, despues cu su mama Darlene Foster su placenta a separa for di su baarmoeder.

Un luna despues di su nacemento, Bradi la wordo traslada pa e neonatal intensive care unit NICU na Boston Children’s Hospital, caminda e la pasa su prome aña di bida.
Su tata James Foster a bisa cu na momento cu Bradi a nace, dokternan a duna Bradi solamente 40% chens di biba. Bradi su pulmonnan no tabata completamente desaroya ainda, via aparatonan special e tabata hala rosea y tabata regula su oxygeno.

E famia tabata tin 3 yiu muhe mas, un di 6, 4, y 3 aña. Despues cu Bradi tabata tin 9 dia naci su mayornan por a carge pa prome biaha. Segun e mama, e tabata eng na momento cu nan a carga Bradi pa prome biaha pa. Bradi tabata mas chikito cu e mannan di di Darlene Foster.

Bradi su prome luna di bida, mester a haci un operacion di curason y mester a combati varios infeccion tambe mester a confronta problemanan di pulmon y gastrointenstinal.

Den e 19 lunanan cu Bradi tabata hospitalisa, Bradi a haci 10 operacion mayor y como 12 operacion chikito.
Bradi a nace prematuro y riba dje durante e pandemia di Coronavirus, un persona so por a bay hospital y nan tabata biba como 75 minuut for di e hospital.

Pa Darlene e tabata hopi duro ora su otro yiunan tabata pidi pa nan tambe bay mira nan ruman chikito. Na Januari 2021 na momento cu Bradi a cumpli 5 luna e la bira hopi malo y e mester a wordo poni na un machine special pa elimina e carbon dioxide for di su sanger y manda sanger cu oxigeno den su curpa pa asina duna e curason y pulmonnan tempo pa cura, esaki a yuda  Bradi su condicion di salud mehora.

Dokternan a dicidi di realisa un traqueotomia pa asina Bradi no mester a keda haya tanto sedante pa mantene su tubo di respiracion na su lugar.  Despues di esaki su mayornan a mira con nan yiu a cuminsa manera biba.

Finalmente nan por a mira nan baby smile, habri su wowo y kier hunga. Na Juli 2021 Bradi a wordo transferi pa Franciscan Children’s a post acute rehabilitation Hospital cerca di Boston. Aki e la keda casi 9 luna interna pa asina e bira mas fuerte y mas activo. Bradi a bay cas, pero tin su tubo di traqueotomia y un tubo di gastostomia (G-tube) pa cuminda, pero su mayornan ta spera cu pronto ambos tubo lo por wordo kita.

Darlene y James Foster definitivamente carga nan speransa cu Bradi lo crece y bira un mucha normal, pero nan ta conciente cu e lo dura un poco mas largo cu normal. Nan spera cu pronto lo logra di kita e tubonan y pa Bradi progresa, yega e edad cu e lo mester tin. Nan ta keda cu un fe grandi, cu definitivamente cu Bradi lo ta completamente capacita pa su edad.

Segun James, Bradi ta un baby hopi felis maske tur e experiencia horibel cu e la pasa aden den su prome lunanan di bida e ta keda un baby hopi happy.

Na momento cu Bradi a yega cas e la mira su rumannan pa di dos biaha den su bida. Darlene y James a comenta cu awo cu Bradi ta na cas e ta e miho feeling di mundo, awo cu nan famia di 6 ta completo na cas.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio