154
Surfside Beach: Diabierna pa mas o menos 1’or di merdia a pidi pa presencia di polis na Surfside Beach pa aparentemente personanan cu lo tabata drentando nos isla na un forma ilegal.
Polis mesora a bay na e sitio y a nota berdad un hende den lama pero e persona aki tabata un local. Na momento cu polis tabata ey banda nan a mira algo ta drief pazuid den lama cerca di e costa, e tabata mustra mescos cu un speargun.
Presencia di Warda Costa a wordo pidi na e sitio y enberdad na yegada Warda Costa a mira e speargun ta drief riba lama. Un dama cu ta traha cu Warda Costa a bula na awa y a saca speargun. E speargun sin doño aki a wordo confisca.
Ta prohibi pa tira pisca cu speargun y constantemente polis ta controla esaki.
