“Mayornan filtra kiko bo/so yiu/nan ta bezig cu ne ariba tablet, cellular of laptop”
Oranjestad – Un voice note di un juffrouw di skol/docente a bay viral, momento cu e la scucha muchanan den klas papia di un tal Huggy Wuggy.
Ariba e vn bayendo rond e la splica kiko e muchanan a splica di e wega, cu segun e muchanan e popchi mahos aki lo ta bisa muchanan pa mata nan mayornan of tambe dal otro cu bate di baseball, kita cabes afo. Esaki ta algun di cosnan hororoso cu e muchanan a splica e docente.
Filtra kiko bo yiu ta haci ariba cellular of tablet
Arubanative.com a bay tira un bista rond ariba e popchi aki y berdad a topa cu ne.
E ta e villain/mal hende principal den forma di un popchi di Poppy Playtime, cu ta un survival horror video game crea door di MOB Games pa muchanan di 12 aña bay ariba.
Preocupacion di e docente tawata debi cu casi full e klas sa di e wega aki cu aparentemente ta aparece ariba YouTube, TikTok y ariba otro plataformanan kizas cu adulto no sa di nan.
E parti cu a hala e docente su atencion den Voicenote ta cu algun mucha te hasta tin miedo di ta nan so y tin cu lo a haya nightmare.
Un suplica ta bay semper pa mayornan pone atencion kiko nan yiu/nan menor di edad y inocente ta bezig cu ne.
Y pa e sorto di videogame nan aki no hinca ideanan straño den cabes di e muchanan despues di hunga of scucha Wuggy Huggy cu den e wega por bisa ta un popchi diabolico.