193
Kamay: Diahuebs merdia den careda di 12’or y mey, polis a logra detene un persona, kende cu ora e la mira polis lo a spanta y core drenta un cas na Kamay. Mesora varios unidad di polis a bay na e cas y nan a bin topa cu e persona aki cu ta un conoci di polis.
Aparentemente lo por ta trata di un sospechoso di e asalto cu a tuma lugar un rato prome na Colombian Emeralds den hotel Marriott.
Despues di e asalto riba e joyeria, polis mesora a mobilisa varios unidad den e area di Noord y becindario, cu nan a mira un persona conoci di nan spanta y core drenta den e cas na Kamay. E sospechoso a wordo aresta pa mas investigacion y transporta pa warda di polis na Shaba.