Na 2015 y na 2017 UPP ya caba a haci denuncia contra e.o. Radhi Kahn como un di esnan cu den nomber y instruccion di Benny Sevinger tabata fix permisonan. E tempo ey nos a denuncia su posibel involucramento den e asina yama “ontheffingen”. Lastimamente nos critica no a yuda cu nada. Al contrario e corupcion a bira pio. Te hasta pio cu e periode prome cu e Protocol di 2006.
E tempo ey Benny Sevinger y Radhi Kahn no por a fix mucho cos sin e “ayudo” di e hefe di e pandiya di DIMAS, cu te hasta a wordo nombra como “adjunct directeur” di DIMAS. Tabata un asuno di “KAHNI MI, PA KAHNI BO” a wordo crea aki. Ta trata di un posicion cu no ta ni existi mes. Nos ta referi aki na Mario Wever. Nos lamento na casi tur instancia, incluso Parlamento di Aruba y esun Hulandes, no a haya oido. Ta bon pa menciona cu nada pero nada a wordo haci for di Parlamento, ni durante ni despues di Benny Sevinger su periodo como minister.
Pasobra, ora nos a kere cu na 2017 cu e gobierno POREDmep lo bin un cambio pa caba cu e corupcion na DIMAS, nos a ripara cu net net nada a wordo haci. E fiesta y e previlegiamento cu e permisonan a bira te hasta pio. Ora nos a spera cu e coalicion nobo na 2021 lo por a trece e cambio tan necesario, a resulta cu DIMAS a cay for di panchi den candela. Enbez cu a pone e hefe di e pandiya na DIMAS, esta Mario Wever, por lo menos na un lugar cu no por sigui cu e firmamento di permiso, esaki a haya un promocion for di Glenbert Croes. Y e directora te esun cu mester a wordo crucifica.
Awor ta Radhi Kahn a wordo detení pero den curso di siman pasa Landsrecherche a interoga algun hende, entre otro por lo menos un persona hopi cerca di e actual minister. Straño ta cu pueblo no ta tende nada di esaki.
E corupcion cu a caba despues di november 2005 a haya rosea atrobe na fin di 2009. Na 2017 y 2021 esaki e corupcion a cuminsa florece. No ta pornada na DPL e minister a nombra algun di su marionetanan pa fix e consehonan na su baby “Toelating”, pero awor ela “get rid” di e obstaculo na DIMAS y ela duna e “socio” di Radhi Kahn e autoridad pa firma.
E acto na DIMAS ta un ehempel clasico di mafia, di un “COSA NOSTRA”. Esta elimina esun cu lo stroba bo di haci bo fechorianan y pone bo pionnan cu por yuda bo. Den e dianan cu ta sigui nos lo mester bay haya sa ken mas ta metí den e porkerianan aki y cu si esakinan lo no ta suficiente motibo pa Hulanda bin cu e KB cu tabata tin den tapara na 2006.
Nos lo bai haya sa cu hamas Radhi Kahn por a actua sin ayudo di esnan responsabel, pues “Wat Kahn kan, Kahn kan niet alleen”!!
Miembro di Partido UPP
Booshi Wever
7 april 2022