E aña aki FIFA Museum na Zurich lo tin un exhibicion special di e 211 Miembronan di FIFA pa asina celebra e historia y cultura di futbol rond di mundo. E exhibicion lo habri pa publico tanto den e periodo di FIFA World Cup Qatar 2022™ como tambe durante di e FIFA Women’s World Cup Australia & New Zealand 2023™.
Kico bo mester haci pa participa den e bunita campaña aki unda bo obheto di escogencia lo por ser poni den e FIFA Museum?
Scoge un obheto interesante cu ta conta un storia unico di futbol y cu bo ta desea pa ser comparti cu mundo. Bisa dicon bo escogencia y pakico e ta forma parti di e cultura di futbol di Aruba y dicon e ta importante. Por pensa riba por ehemplo riba un obheto unico cu abo como fanatico di futbol tin of algo unico tocante di futbol femenino.
Trece bo obheto y contestanan na oficina di AVB prome cu 30 di april y diabierna 6 di mei lo saca e feliz ganador(a). E feliz ganador(a) lo gana un T-shirt oficial di e seleccion nacional, un bala di futbol di AVB, dinner pa dos persona y bo obheto lo ser manda pa FIFA Museum na Zurich na unda si nan gusta bo obheto e lo ser poni den nan exhibicion temporario y cu e posibilidad tambe di wordo poni den otro exhibicionnan rond di mundo.
