Yara – Diabierna anochi den careda di 9:45 un cantidad grandi di patruya mester a bay Yara Sport Complex pa motibo cu dos hungado a dal contra otro, y publico a cuminsa bira desespera debi cu un a cay y aparentemente no tawata reacciona mas.
Yegada di Ambulance
Tawata tin masha hopi gritamento mes den direccion di e Paramediconan cu a yega pa duna asistencia. E hendenan tawata keda grita pa nan haci pura “paso e hungado ta muriendo”.
Atake di trincion
Durante cu un di Paramediconan tawata preparando pa lanta e hoben y pone ariba e stretcher e ta sinti un golpi fuerte tras di su cabes.
A resulta cu e mesun homber cu na yegada tawata gritanan pa pura a dal e masha duro mes.
Eynan e Paramediconan a bira y lo a bis’e cu e no por traha di e manera aki, eynan e agresor kier a bolbe atak’a e Paramedico pero un hoben ariba e veld a para y bise pa e stop y laga e Paramediconan haci nan trabou.
Aki ta un e la agredi e hoben tambe, door di hink’e cu su jabi di auto den su pecho.
Chaos
Ey ta unda cu e “publico” lo a bay ariba dje, mirando kiko tur e la haci y nan a move cu ne bay pafo.
Unda cu na yegada di polisnan mesora a bay over na detencion di e homber aki cu a kies pa agredi un Paramedico durante su trabou.
A resulta cu mesun homber aki cu tawata grita e Paramediconan pa haci lihe paso e mucha ta muriendo ta padrastro di e hoben.
Hungado cu no tawata reacciona
E hungado(17) berdad a haya un golpi fuerte durante e wega pero no tawata nada cu e tawata muriendo.
Segun nos por a compronde e golpi fuerte tawata den cara/cachete y debi cu esaki tawata hopi dolor a escoge pa keda ariba suela wardando ayudo, esaki a causa e impresion cu algo hopi serio lo a pasa cu ne.
Paramediconan a transporta e hoben pa Hospitaal despues.
Segun nos por a compronde cu un keho oficial lo wordo entrega contra e padrastro cu a agredi e Paramedico den funcion.