Noord: Diadomingo algo prome cu 6’or di mainta alarma a wordo bati pa un compania di seguridad, un security guard durante patruya lo a haya holo di candela y a nota huma den Cafe 080
Mesora a avisa polis y brandweer, hopi lihe nan a yega na e sitio, enberdad nan a nota cu tin huma den e lugar pero na prome instante no por a haya niun persona pa habri porta di e negoshi pa nan por a drenta. Bandi pariba nan a logra kibra un bentana y asina brandweer a cuminsa spuit awa paden, combatiendo e candela den e cushina.
Mientras polis a cera e caminda pa trafico, brandweer a logra via e bentana domina y paga e candela. Un fan cu lo a keda cendi a causa un kortsluiting. E candela a kima un parti chikito di e cushina, pero si e lugar mes a keda bou huma.
Den careda di 6’or y 15, e manager a yega na e sitio, mesora e la habri e porta pa asina brandweer por a controla e lugar y alabes e huma por sali for di den e lugar.
