Oranjestad, Aruba – maart 23, 2022 – The Ritz-Carlton, Aruba y The Aruba Marriott ta presenta FUTRX, e lanzamento di un programa educativo y practico destina pa desaroya futuro hotelero. Durante di e programa nan lo adkiri e conocemento y habilidadnan necesario pa persigui un carera den hospitalidad.
Den colaboracion cu Educacion Profesional Intermedio (EPI) y Universidad di Aruba (UA), e empleadonan di Marriott International a crea e programa FUTRX cu lo introduci 18 studiante local na e industria hospitalario por medio di entrenamento, ‘provee tools’ y experencianan na ambos hotel, cu guia di profesionalnan den hospitalidad.
Desde maart te cu september di 2022, e studiantenan di FUTX lo tin e oportunidad pa siña tocante e operacion di hotel y casino, liderazgo, y Marriott International como compania y e marcanan di e cadena hotelero aki. E studiantenan lo reuni dos bes pa siman pa ricibi entrenamento teoretico y practico. FUTRX ta consisti di 6 fase; cada luna e studianenan lo enfoca riba un area specifico cu lo brinda nan e oportunidad pa engrandece nan conocemento di e various departamentonan di e hotel.
Na final di e progama, e studiantenan lo ricibi un certificado, nan lo tin un conocemento amplio di e industria y tambe nan lo tin e oportunidad pa expande nan red professional.
FUTRX ta esforsa pa garantiza cu e industria vibrante y creativo, cu ta integro den e economia y bienestar di nos isla, ta reconoci pa e oportunidadnan cu e ta ofrece pa e progreso professional.
The Ritz-Carlton, Aruba y The Aruba Marriott ta spera di ehecuta un programa immersivo y innovativo pa e studiantenan por crece como profesionalnan den e industria hotelero.