199
Oranjestad – Diamars atardi a drenta informacion cu autoridad a efectua dos detencion den caso tristo di 18 di maart ultimo, unda cu un persona di edad a wordo asesina na dilanti Santana na Zeewijk.
Enconexion cu e caso di asesinato cu a tuma lugar dia 18 maart 2022 Recherche di San Nicolas (DAR-3) a detene un hende homber J.N. C.B. naci na Aruba di 22 aña y e muher W.A. W. naci na Republica Dominicana di 33 aña di edad.
bou guia di Fiscal y a compania pa Huez Comisario haci un entrada hudicial na un cas na Cura Cabai Zuid y a detene e dos sospechoso menciona.
Den e cas a confisca algun articulonan cu probablemente por wordo uza como evidencia contra e dos sospechosonan.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.