Kudawecha:
Diabierna algo despues di 6’or di atardi bisiñanan a bati alarma, pa un homber cu tabata razo na un compleho di apartamento cu ta keda net pabou di e veld di Kudawecha.
Presencia di polis a wordo pidi cu hopi urgencia pa motibo cu e homber lo a yena su apartamento cu gasolin y a hinca un botter di gas paden, e lo tabata habri y cera esaki cada rato.
Polis a yega hopi lihe na e sitio, pero no por a drenta den e apartamento, e situacion tabata hopi peligroso. Pa nan seguridad nan a keda pafo riba un distancia, wardando riba presencia di brandweer.
Brandweer a yega y un di e personal di brandweer a cuminsa papia cu e homber pa asina trata na calm’e y domin’e, pero esaki no tabata funciona, e la kibra un bentana di e apartamento. E homber tabata keda razo.
Despues di un ora di basta intento y papiamento, No a keda nada otro pa polis di pidi permiso pa por drenta den e apartamento. Un rato despues oficier a presenta, e la duna polis permiso pa drenta den e apartamento y saca e homber.
E homber mesora a wordo deteni y transporta pa warda di polis pa asina e por calma y autoridad lo por scucha su version.
