206
Awe, 16 di Maart 2022, gerencia di Divi Phoenix Hotel y directiva di Federacion di Trahadornan di Aruba (FTA) a yega na otro un biaha mas por medio di un Contrato Colectivo di Trabao (CAO).
Den e acuerdo aki a confirma tur e beneficionan existente como tambe a logra varios beneficio adicional manera aumento di dianan di vacacion y ampliamento di e posibidadnan pa spaar. Ademas a acorda un aumento di 8.5% di salario dividi den e 3 añanan cu e CAO tin valides.
Di parti di FTA nos kier a gradici e team negociador di Divi Phoenix (cual a consisti den su totalidad di hemde muher) y di FTA cu por medio di nan esfuerzonan a yega na un resultado na agrado di tur envolvi.
Finalmente nos kier a duna tambe un palabra di danki na tur empleado miembro di nos organizacion, cu pa mas di 15 aña a sa di pone nan confiansa den FTA pa representa nan den nan asuntonan laboral.
Den union tin forsa!
