Homenahe, Final di Liga 60 y un tiki di Dedhalavie Combo !
Diabierna awo Aruba Juniors lo celebra nos gran Dia Nacional cu culminación di su torneo di softball 60 plus. Pa 9:30 di mainta en punto lo canta playball cu un wega amistoso entre Aruba Juniors y Bambino. E gran final di e torneo Himno y Bandera lo cuminsa pa 12:30 di merdia y lo ta entre Boomerang Ildo’s Lottery y Astros.
Pa 3or di atardi lo tin un ceremonia unda lo homenahea e futbolista, seleccionado Antiyano, Urbano Kock como tambe Erwin Croes, deportista cu a haci varios deporte na nivel internacional. Despues di e ceremonia lo tin música bou encargo di Amado Rosina. Amado a invita Erick Raphael pa compañe e atardi aki. Dennis Raghunath tambe lo tey pa canta algun canción. Amado, Erick y Dennis a forma parti di un di e bandanan mas popular di añanan 80 cual ta Dedhalavie Combo.
Pa completa e celebración musical lo tin un “special guest” hunto cu nos. E “special guest” ta un persona masha popular na Aruba y internacionalmente.
E ta conocí pa trece ambiente den nos grandinan. Bo ta cordialmente invita pa bin y celebra hunto cu nos, nos Dia Nacional. Dia di Himno y Bandera ta na Aruba Juniors bo mester ta!