215
Iglesianan Cristian di Aruba (ICA) ta organisa un anochi di oracion diaranson 16 di maart pa 7:30 di anochi riba Plaza Padu bou di e nomber “Clamor pa Aruba & Situacion Mundial.” Plaza Padu ta keda net patras di Parlamento di Aruba. Nos pais y henter mundo ta enfrenta temponan trabahoso cu incertidumbre economico, consecuencianan di e pandemia y riba tur esaki ta bini menasa di un guera na Ukrania cu e potencial pa escala na nivel mundial.
Tur e desaroyonan aki ta forma retonan grandi pa Aruba y pa sobra mundo. Ta bon pa e pueblo di Dios uni den oracion pa pidi sabiduria y guia con pa responde na e retonan aki. Clamor pa Aruba & Situacion Mundial ta tuma luga diaranson 16 di maart 2022 pa 7:30 di anochi riba Plaza Padu.
