Pos Chikito – Diadomingo marduga den careda di 4:10 polisnan a bay cu urgencia pariba di rotonde di Pos Chikito, unda auto a dal un persona.
Na yegada di polis a constata un persona drumi ariba caminda y un bicicleta benta na banda. E auto cu a dal no a para pero a sigui, haciendo e caso aki un hit and run.
Caminda a wordo cera mesora na yegada di Paramediconan nan por traha cu e victima di 41 aña biba na Pos Chikito mes.
E la wordo transporta cu urgencia pa Hospitaal unda cu e caminda a keda cera pa basta rato, unda cu departamento di trafico mester a haci su investigacion.
Security Cameras den e area lo bay ser studia, pa asina saca afo e auto cu a dal e persona aki. Informacionnan ricibi den oranan di mainta ta bisa cu e persona su situacion ta stabil.
Hit & Run ta castigabel pa ley.
