Minister Maduro a bishita e ‘Dutch State Treasury Agency’ den cuadro di e relacion nobo di financiamento di inversion

ORANJESTAD – Den anticipacion di e cambionan cu lo compaña e introduccion di e ley di consenso riba supervision financiero RAFT, Minister Maduro di Finansa a bishita e ‘Dutch State Treasury Agency’ DSTA cual ta e agencia dentro di Ministerio di Finansa cu ta busca financiamento pa Gobierno Hulandes. Den e relacion nobo cu Hulanda, DSTA lo percura pa financia e inversionnan di Gobierno di Aruba. Esaki lo wordo haci en cooperacion estrecho cu Ministerio di Asuntonan Interior BZK.