173
Willemstad, Korsou:
Kontinuando ku investigashon relashoná ku violashon di lei di opio, polis a tene un entrada hudisial i a detené tres sospechoso.
Djamars 8 di mart 2022, alrededor di 06.00’or di mainta e tim di reshèrshinan di Montaña a detené dos hòmber i un dama sospechoso ta trata di:
V.P.C.P.P., di 32 aña di edat,
H.A.O.S., di 30 aña di edat, ámbos nase na Kòrsou, i e dama K.A.R.C., di 31 aña di edat, nase na Colombia, relashoná ku e kaso ariba menshoná.
Durante di e entrada hudisial na e kas na kaya Virginia Bito Richardson a haña i konfiská 1350 mata di mariwana.
A presentá e sospechosonan dilanti un fiskal ouksiliar ku a ordená nan enkarselamentu pendiente di mas investigashon.