Home Police Problema entre dos muher ta caba cu un detencion, un muher ta...

Problema entre dos muher ta caba cu un detencion, un muher ta acusa e otro cu e tin relacion cu su pareha.

SHARE

Avenida Nelson O. Oduber/ ex Sasaki:
Diadomingo den careda di 2’or y mey di marduga, a surgi un problema na e sitio nocturno Tortuga Loco, na King Plaza, varios patruya a wordo manda cu urgencia na e bar aki pa un problema entre dos dama.

Segun nos a compronde un muher a acusa un trahado femenino di e bar cu e lo tin un relacion of tin algo en particular cu su pareha. E dama cu ta traha na e sitio nocturno aki a nenga di tin algo cu e homber di e muher, pero asina mes e muher a keda haci fastioso y cos a bay for di man na momento cu e muher a agredi e trahado di Tortuga Loco na su cabes.

E polis a yega hopi lihe na e sitio y despues di a papia cu ambos dama, a detene e muher cu a agredi e trahador.