Paradera – Diasabra algo prome cu mey anochi un ciudadano a mira un cabayero boca abou ariba suela, esaki tawata na e crusada pariba di Great Rich bar restaurant na Paradera.
Na mesun momento un otro ciudadano algun rato prome a mira e homber aki canando na un manera straño bayendo direccion di Great Rich. Algun rato despues, e homber lo a cay y keda na e rand di e pad unda hende ta cana.
Ta trata di un cabayero Hulandes y na su idioma Hulandes e la menciona un adres mas pariba na Paradera. E ciudadano cu a hay’e a bay e adres, pero na e adres cu e la menciona no tin niun meneer Hulandes ta biba.
Pues locual e tawata bisa no ta cuadra. Mester remarca cu e meneer aki no tawata bou influencia pero si tawata mustra basta confundi. Tambe e tawata tin dos petchi cu ne bisti, algo cu no ta normal tampoco.
E la menciona nomber di un dama cu aparentemente lo ta na cas wardando e, pero nada di esaki por a wordo confirma e momento ey.
Ambulance a wordo pidi y na yegada e cabayero aki a keda bou encargo di Paramediconan cu lo mester a transporte pa Hospitaal despues.
