E caso ta sigui 16 Maart Hues ta ordena Gobierno pa presenta medida structural pa reemplaza e 12.6 %

ORANJESTAD — Awe mainta via mail Hues a tuma un decision temporal den e caso di Gobierno contra SIMAR y SEPPA pa para e accion. Telenoticia por a compronde cu Hues kier mas informacion promer cu e tuma un decision. Hues a instrui Gobierno pa presenta medida structural cu ta reemplaza e medida temporal di 12.6 %. Hues a bisa cu e caso ta sigui 16 Maart 2022. E dia ey Gobierno mester presenta e medida structural y SEPPA y SIMAR ta haya 2 siman pa reacciona. Despues Hues lo fiha un dia pa sentencia.