Homber cu supuestamente a bay pa tira muhe mata a ser aresta

Rooi Afo – Diahuebs anochi den careda di 9’or varios patruya di polis tanto di Playa, Santa Cruz y recherchenan a presenta poco pabou di dam di Rooi Afo.

Eynan den un accion relampago polisnan di Playa a yega y bay over na detene un homber cu lo a bay pa tira un muhe. Segun informacion no oficial, e muhe cu e lo a bay pa tira ta su amante.

Den oranan mas trempan parse ya lo tawata tin problema cu e homber aki, e amante y parse su pareha oficial.

Despues cu e la wordo poni den boei den algun minuut transportwagen di Santa Cruz a yega, y cu velocidad halto a sali direccion warda di polis.

Departamento tecnico tambe a yega e sitio, no por a confirma e momento ey si a haya un arma di candela ariba e homber of den e auto.