Renaissance Island Beach/ Nikky Beach – Diabierna mainta for di Nikky Beach por a mira 3 hende ariba e rif, dos cu t-shirt blanco y uno na cora. E personanan aki for di tera por a mira cu nan tin rugtas.
Manera ta conoci caba diabierna den oranan di mainta APA a mira un boto ta drief poco pafo di e boca di waf.
Ora a bay observa miho por a mira cu lo tawata trata di un boto cu ta wordo usa pa trece ilegalnan Aruba. Mirando e nomber y tambe Las Piedras skirbi ariba dje.
Segun nos por a compronde cu e boto aki lo a yega altura di e Renaissance Island.
Debi cu autoridad a mira e tres personanan ariba e rif mas cu claro a prepara y a subi boto di Kustwacht y sali direccion pa e “Isla”.
A resulta segun autoridad, GNC, Polis y Kustwacht cu lo tawata trata di tres empleado di e Renaissance Island.
Pero a bin resulta tambe cu un di nan esta un empleado su status lo ta ilegal, y durante control autoridad a topa cu ne y mesora a bay over na areste.
E la wordo trece cu e boto di Kustwacht tera y pasa over pa personal di Guarda Nos Costa.
Por a mira cu e homber aki tawata den uniform di e compania trahando.
E la keda deteni y hiba pa sea Huis van Bewaring na Dakota of na FOL situa na Sabana Berde.
Pues autoridad no a confia nada y mirando cu a ser bisa cu ta un grupo basta grandi a yega y ta solamente dos so a wordo haya a bay over na controla tur hende ariba e “Isla” y a topa cu e homber aki indocumenta trahando pa e compania.
