Savaneta: Diabierna algo pasa di 12’or y mey di marduga, a sosode un accident na altura di Citgo Savaneta, entre un Toyota Celica preto y un Honda CRV blanco. Polis y ambulance a wordo pidi na e sitio.
E SUV blanco tabata bineindo di pabou, e Toyota Celica preto tambe tabata biniendo di pabou y net na momento cu e SUV blanco a bay lora na su man robes, e Toyota Celica a bay pa pasa e SUV y a dal den su banda.
Ambos chauffeur a resulta di tabata levemente herida y e paramediconan di ambulance a trata nan na e sitio.
Polis na e sitio a nota cu e chauffeur di e Toyota tabata mustra bou influencia, e polisnan a pidi pa alcohol sensor y despues di a laga e chauffeur di e Toyota test algun biaha, e la sali positivo. E chauffeur di e Toyota Celica a wordo deteni pa core auto bou influencia y ocasiona e accidente.
E Chauffeur deteni a wordo transporta pa warda di polis y lo mester presenta dilanti di un HOVJ pa duna cuenta.
Ambos auto a haya basta daño material.
