Noord – Diadomingo anochi varios patruya a bay un adres poco mas pariba di warda bieu di polis na Noord.
Eynan lo tawata tin un problema serio unda cu polisnan mester a yega bastante lihe.
Un señora lo a wordo maltrata door di dos dama hoben, lagando e seriamente herida na su frenta.
Na yegada di polis mesora a bay over na detencion di e dos damanan.
Dilanti di e cas tawata tin un Nissan March staciona, y por a mira un homber yega y bay cu un criatura di e sitio.
Despues mas famia lo a yega tambe.
Transportwagen a yega y esnan deteni a wordo hinca den e transportwagen direccion warda di Shaba. Ambos ta sospecha di a maltrata un señora na e cas, ocasionando un kap grandi na su frenta.
Na yegada di ambulance e señora a sali cu un serbete wanta na su frenta y a cana subi e auto pa asina haya tratamento medico.
Departamento tecnico di polis(bfto) a ser pidi na e sitio pa a saca algun potret pa e investigacion.
