Paradera/Jaburibari
Diahuebs algo prome cu 9’or a surgi un discussion entre un pareha na un cas na Jaburibari, e discusion a bay completamente for di man. E homber a maltrata e dama severamente. Tambe segun algun persona cu varios tiro lo a cay.
Despues cu e homber a caba di agredi e dama y prome cu polis a yega na e cas, e la bay for di e cas den un Kia Rio Blanco. Polisnan a bin topa cu e auto aki riba caminda y mesora a sigui esaki.
Na altura di Burger King, Paradera nan a bin para e auto. Mesora a detene e agresor y a confisca e auto pa mas investigacion.
Ambulance a wordo pidi na e cas na Jaburibari pa trata e dama, cu a ricibi hopi golpi for di e homber. Despues cu e paramediconan a caba di trata e dama, nan a transport’e pa hospital.
Polis tambe tabata presente na e cas pa haci mas investigacion si acaso nan lo por topa cu algun huls dilanti di cas, mirando cu segun bisiñanan nan lo a scucha varios tiro.
