Columbusstraat – Diahuebs merdia den careda di 12’or un adicto a wordo gara ta purba horta den un pick up.
Tawata den careda di merdia cu ariba un parkeer plaats den Columbusstraat polis a wordo pidi, debi cu nan tin un persona wanta.
E homber aki cu ta un adicto ambulante lo a ser gara mientras e tawata trata na horta den un auto.
Na yegada di polis nan a topa cu algun personal di GNC cu ya tawata tin e homber den boei.
Polis a papia cu doño di e auto y si ta bon lo a tuma su datonan.
E doño a bisa e adicto: ” Bo no mester haci e cosnan aki cu nan no ta bon y pa e busca un trabou”.
E adicto na su turno: ” Mi tin trabou, mi ta laba auto y cuida e autonan ariba parkeer plaats di Music Box”. “Pero awe mi no sa kiko a drenta mi cabes”, tawata su ultimo palabranan.
Transportwagen a yega a y a hibe pa warda di polis.
