Home » Dama a haya basta golpi como ‘regalo di Valentine’s day’ for di su ex pareha

Dama a haya basta golpi como ‘regalo di Valentine’s day’ for di su ex pareha

by Admin
0 comment 118 views

Hooiberg:
Valentine’s day, dia di amor y amistad, mainta prome cu 9’or na un cas na Hooiberg, un homber a presenta na e cas di su ex pareha y a maltrat’e fuertemente den su cara te pone su nanishi sangra.

Riba e dia special aki, cu ta dia cu personanan ta reconoce y gradici otro pa e amistad y amor. Pero maltratado di muher aki a bay na e cas, no pa balora un dama pero pa agredi su ex muhe na su cara. Despues cu e la caba di maltrata e dama, e no a keda warda riba yegada di polis, pero a bandona e sitio den un Hyundai Getz preto.

E dama hopi spanta a pidi pa presencia di polis, hopi lihe polis a yega na e cas, pero e agresor na un forma hopi cobarde ya a bandona e sitio. Polis a mira e situacion di e dama y a dicidi di pidi pa asistencia di ambulance y slachtofferhulp.

Personal di ambulance a trata e dama na e cas mes. Mientras tanto cu famia a yega y tambe slachtofferhulp a presenta pa asisti e dama den su tristesa y trauma.

E victima di maltrato di muher a dicidi di bay dokter cu un familiar y despues a keda di bay warda di polis pa entrega keho contra e homber abusador aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio