Renaissance Marketplace – Diasabra anochi un biaha mas polisnan mester a acudi na altura di Renaissance Marketplace, pa problema di hobennan.
Ariba diasabranan atardi pa anochi mayornan sea nan ta baha un of mas yiu cu e intencion pa nan bay wak un movie.
Momento cu e pelicula caba, aglomeracion di e muchanan aki ta cuminsa parti pafo.
Di e maner aki problema tambe ta start bou e hobennan.
Diasabra security guards a avisa autoridad momento cu nan lo a mira un pelea unda cu ambos “mucha” tawata tin cuchiu. Durante di e problema un a ser corta y esaki lo tawata sangra hopi.
Den nervio o ken sa kiko lo a pasa den cabes di mucha e la core bay direccion nort. Polisnan a tira bista rond pero sin ningun resultado.
Na e sitio polisnan a trata na core cu tur e muchanan na e sitio.
E problematica aki tin añas pasando y no ta prome biaha cu hobennan a resulta herida. Mayornan tin e tarea principal pa papia y guia nan yiunan, y avisanan di e peligernan cu tin ariba caya.