Angochi:
Diabierna algo prome cu 12’or di merdia, team di aresto a detene dos persona na Angochi, esaki a sosode dilanti di un supermercado. Segun nos a compronde tabata trata di un bendedo di droga den un auto blanco chikito y un otro persona cu ta un cumprado di droga, ambos a keda mesora deteni y nan auto confisca pa autoridad.
Mas sigur ta trata di e Proyecto Drugspanden bestrijding, constantemente autoridad ta drenta casnan cu ta conoci pa bendemento di droga. Awendia e modus operandi a modernisa, e supplier tin su hendenan cu ta rebende y te hasta ta deliver droga, caminda e cumprado ta. Aparentemente autoridad lo tin e modus operandi aki na bista y manera cu e cumprado y bendedo a cera nan deal y lo tin un team special cu mesora lo actua y asina detene e cumprado y e bendedor.
Na momento di nan detencion a bin haya e bendedo cu marihuana y XTC den su poder. E cumprado tabata tin piedra den su poder.
Ambos a keda deteni y cu transportwagen di CEA nan a wordo hiba Warda di polis, e autonan di e cumprado y bendedo a keda confisca pa mas investigacion.
