Home Politics Michella Steenvoorde – Laclé: FORMACION SOCIAL Y STICHTING...

Michella Steenvoorde – Laclé: FORMACION SOCIAL Y STICHTING TUR COS TA POSIBEL CU PROGRAMA DI INTERCAMBIO

SHARE

ORANJESTAD – Diaranson mainta a tuma luga un reunion entre representante di Ministerio di Husticia y Asuntonan Social Sra. Michella Steenvoorde – Laclé, conhuntamente cu representantenan local y internacional di TUR COS TA POSSIBEL, Sra. Angelique Wout, Mel Coward y e coordinadora di Formacion Social (Social Vorming Traject) Sra. Jessica Ras. 

 

Voluntario di Inglatera Tom Holmes

Den dicho reunion SVT a cera conoci cu e boluntario di inglatera Sr. Tom Holmes kende lo tey pa tres luna y lo ta asistiendo diferente organisacionnan den nos comunidad deportivo na Aruba, incluyendo SVT. 

 

Programma di boluntarionan comunitario. 

Tambe e aña aki a yega na un acuerdo entre TUR COS TA POSSIBEL y SVT kendenan lo ta bay host na maart 10 boluntario internacional y 5 boluntario local cu un programa di 2 siman di trabounan boluntario riba tereno Social y Deportivo. E boluntarionan internacional lo ta hospedando na un cas na Pos Chiquito, y di eynan nan lo wordo transporta pa nan actividad boluntario di dia. 

 

Cuatro spot pa cursistanan di Formacion Social (SVT)

Durante e presentacion di TUR COS TA POSSIBEL na Marinierskazerne diaranson, caminda nan a splica e integrantenan di Formacion Social nan actividadnan y e posibilidad pa inscribi como boluntario local. Mesora tawata tin hopi entusiasmo pa tuma un di e 4 spotnan cu tin reserva pa integrantenan di Formacion Social pa asina ta un di e boluntarionan local. Sra. Jessica Ras, coordinadora di Formacion Social lo bay tin e dificil tarea pa selecta 4 for di tur esnan cu kier aplica. 

 

Nos boluntarionan lo bay Inglatera 

Si nos boluntarionan haci un bon papel nan lo tin chance pa bay 2 siman Inglatera na augustus caminda nan lo traha na un music festival na Leeds riba temanan di reciclahe y sostenebilidad. Tur e gastonan lo wordo cubri for di fondonan Europeo di e programa Erasmus+.

 

Sra Steenvoorde- Laclé ta agradece Stichting TUR COS TA POSSIBEL pa e oportunidad brinda na nos hobenan di FORMACION SOCIAL, y ta desea nan hopi exito y suerte pa pasa e seleccion y pa nan tin un bon experiencia di intercambio internacional.