Home Politics Inscripcion a habri pa Arte di Palabra 2022

Inscripcion a habri pa Arte di Palabra 2022

SHARE

Departamento di Cultura Aruba (DCA) bou di auspicio di Ministerio di Cultura ta organisa anualmente e proyecto Arte di Palabra (AdP), competencia literario di poesia y cuenta cortico pa scol secundario.

E aña aki lo ta bay ta e di 14 edicion di AdP cu lo tuma luga dia 2 di april 2022 na Cas di Cultura.

Tur alumno di scol secundario por participa y por inscribi cerca nan docente di Papiamento te cu dia 14 di maart 2022.

 

Por participa den cuater diferente categoria:

Poesia

  1. Poesia existente klas 1-2
  2. Poesia original,   klas 1-2
  3. Poesia original,    klas 3-6/ EPI klas 1-2

Cuenta cortico

  1. Cuenta existente, klas 1-2
  2. Cuenta original,    klas 1-2
  3. Cuenta original,    klas 3-6/ EPI klas 1-2

 

Ganado di cada categoria lo bay representa Aruba den e final di AdP ABC, cu ta competencia entre e ganadonan di Aruba, Boneiro y Corsou. AdP ABC lo tuma luga dia 28 di mei 2022 na K-Center na Corsou.

 

Pa mas informacion por yama na DCA su number di telefon: 582-2185 y pidi pa Seccion di Implementacion.