Home » GOBIERNO DI ARUBA LO DIRIGI MAS ATENCION NA DIGITALISACION DI SCOLNAN 

GOBIERNO DI ARUBA LO DIRIGI MAS ATENCION NA DIGITALISACION DI SCOLNAN 

by Admin
0 comment 49 views

 

 

ORANJESTAD – Den e mundo moderno cual nos ta biba aden, digitalisacion ta un concepto cu no por falta, sigur no ora cu ta papia di enseñansa. Prome Minister di Aruba Evelyn Wever – Croes a informa cu lo percura pa sostene colega Minister Endy Croes cu ta encarga cu e cartera di enseñansa pa percura cu ta sigui cu implementacion di innovacion den scolnan na Aruba. 

 

Proyecto Piloto

Den e ultimo añanan, gobierno a bin cu diferente proyecto piloto cu ta encera les digital. Scolnan cu a participa na e proyecto piloto ta: Cacique Macuarima, Cacique Aterima, Pastoor Kranwinkel y Sint Fransciscus College. E scolnan aki a haya borchi digital cu a traves di esaki maestronan ta duna les, muchanan por traha som na borchi y mira video educativo. 

Banda di esaki tin Chrome Books pa tur mucha siña traha riba computer y tambe e proyecto di ‘virtual reality’. Cual a traves di un sorto di bril, muchanan por drenta ‘un otro mundo’ y siña den un otro forma mas moderno.

 

Ademas, Prome Minister a duna di conoce cu pa locual ta encera innovacion, e meta e aña aki ta pa yuda Minster Endy Croes den enseñansa, pa yuda mas scol digitalisa. 

 

Finalisando Prome Minister Wever – Croes a expresa cu ta tempo pa tur scol ta ekipa cu e ekiponan aki. Scolnan publico y tambe scolnan cu no ta cay bou di Dienst Publieke Scholen (DPS). Pues lo percura pa yuda Minister Croes den esaki. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio