Home » Parlamentario Setty Christiaans-Yarzagaray (MEP): Dialuna awor parlamento lo tende mas di cua ta e puntonan di mehoracion den area di Entrepreneurship y clima di inversion

Parlamentario Setty Christiaans-Yarzagaray (MEP): Dialuna awor parlamento lo tende mas di cua ta e puntonan di mehoracion den area di Entrepreneurship y clima di inversion

by Admin
0 comment 61 views

 

 

Dialuna proximo Minsiter di Economia, Comunicacion y Desaroyo Duradero lo ta den Parlamento den un encuentro publico pa comparti resultado di investigacion di punto E.6 di Landspakket riba tema di Economia “Ondernemerscahp en Investeringklimaat. Esaki ta riba peticion di su persona mirando cu e ta e prome cu tin e resultadonan di e investigacion y e rapport pa loke ta trata e punto riba e agenda di Landspakket pa cu Economia finalisa. 

 

Ta trata aki di punto di Landspakket E.6 cu ta indica cu mester mehoracion riba e area di “Entrepreneurship” y clima di inversion na Aruba. Un di e condicionnan stipula den e Landspakket ta indica cu basa riba un investigacion intergral lo stipula recomendacionnan cu mester wordo implementa. E investigacion lo mester ta tambe riba entre otro ley y reglamentacion. 

 

E investigacion riba empremendimento y clima di inversion ta concentra riba e aspectonan con pa optimalisa e “Vergunningstelsel”, con pa reduci ”Cost of Doing Business” y con pa elimina bureaucracia of “Red Tape”.

 

E investigacion riba e tereno Economico aki a cana segun plan y ta cla cu ta e “Ondernemerschap en Investeringsklimaat”. E recomendacionnan den e rapport aki ta indica ki regulacion necesario mester prepara pa fortifica e columna financiero. Tambe e preparacion necesario riba nivel ambtelijk pa formula decisionnan riba maneho administrativo. Manera riba e topico di sistema di belasting cu segun recomendacionnan ta pa scoge pa un sistema di BTW y tambe ta indica e necesidad pa reforma Belastingdienst. En todo caso e rapport ta refleha riba mehoracion di “Ease of Doing Business” cu e meta pa elimina obstaculonan pa esaki.

 

Minister Economia ya a ricibi aprobacion di Ministerraad riba e resultado di e investigacion aki dia 4 di januari ultimo. Alabes como parti di e preparacion pa ehecucion di e recomendacionnan y conclusion basa riba e resultadonan, minister a pidi aprobacion di Minsiterraad na januari caba pa institui un “Bestuursorgaan” independiente bou nomber di “Arubna fair trade authority”. 

 

Parlamentario Setty Yarzagaray ta contento cu e peticion di minister pa bin Parlamento duna informacion y splicacion cu ta duna indicacion cu e proceso ta uno transparente y habri. Tambe cu ta duna instituto Parlamento e balor di ta bon informa manera ta e tendencia di e gabinetenan Wever-Croes contrario na e gobernacionnan di signatura di partido AVP cu awe ta resulta den casonan lamentabel y mahos pa e cara di pais Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio