Home Police Maltrato y menasa di morto a resulta di tabata un problema di...

Maltrato y menasa di morto a resulta di tabata un problema di famia cu a bay for di man

SHARE

Soledad:
Diadomingo den careda di 1’or di merdia na un cas na Soledad, a surgi un problema di famia cu a bay completamente for di man.

Segun nos a compronde, cu e mayornan lo no ta contento cu e pareha di nan yiu.  Despues cu e pareha di nan yiu a yega na e cas y a surgi un problema cu a bay completamente for di man, aparentemente te hasta menasa lo a cay.

E problema aki tin basta tempo ta andando y na varios ocasion presencia di polis a wordo pidi. Algun luna pasa e lo a maltrata su pareha y a wordo deteni pa esaki panort di rotonde Paradera.

Diadomingo merdia un biaha mas polis mester a bay intermedia. Varios unidad di polis a bay na e cas aki, na yegada ainda tabata tin gritamento y discusion andando. Polis un biaha mas mester a intermedia, pa asina e situacion por a bolbe calma y cu polis por a sigui nan caminda.