Home Politics Minister Dangui Oduber: Danki na inversionnan haci den cuido medico Turismo...

Minister Dangui Oduber: Danki na inversionnan haci den cuido medico Turismo Medico ta un hecho

SHARE

ORANJESTAD – Diahuebs a tuma lugar e reunion di “Landsverordening instelling ministeries” (LIM) 2022 den Parlamento di Aruba. Aki Minister di Turismo y Salud Publico Sr. Dangui Oduber tabata tey presente pa contesta e preguntanan cu ta wordo dirigi na su persona. Locual a cay di sorpresa tabata na momento cu Parlamentario Dowers a bisa cu e Minister Oduber no a haci nada pa turismo medico aki na Aruba. Minister Dangui Oduber na su turno di contestacion desembarata e ponencia di Parlamentario Dowers mustrando ariba e hecho cu na ImSan a duna tratamento na 300 pashent den regio.

Manera ta conoci ImSan a conoce un inversion grandi di 60 miyon florin durante e periodo di gobernacion di Gabinete Wever Croes 1. Minister Oduber a brinda tur cooperacion necesario pa haci e inversionan cu tawata tin mester pa por finalisa e proyecto di radioterapia y tambe percura pa Imsan haya 22 cama cu por wordo usa pa shortstay hospital. Danki na e inversionnan aki a haci posibel pa por a realisa locual ta e turismo medico cu nos tin awendia. A duna tratamento na mas di 300 pashent internacional cu a haci uzo di ImSan pa Operation di Wowo, Bestraling y Dialyse.

Loke ta hopi importante tambe pa den e periodo di gobernacion aki wordo cristaliza ta e JCI “accreditation” pa Imsan. Tur e añanan cu a transcuri Imsan ta trahando hopi duro pa logra esaki y pa e periodo aki e lo ser logra. E JCI accreditation aki lo habri posibilidadnan pa Imsan por sigui crece.

Minister Dangui Oduber ta lamenta e ponencia haci pa Parlamentario Dowers caminda e ta purba bruha tera den Parlamento bisando cu nada a wordo haci den e turismo medico.