Home Local Ibisa ariba World Cancer Day

Ibisa ariba World Cancer Day

SHARE

IBiSA kier conscientisa comunidad di Aruba pa dia mundial di Cancer. E topico di e aña aki ta “close the care gap”. Cancer ta mata 10 miyon hende pa aña mundialmente. Esaki ta mas cu HIV/AIDS, malaria y tuberculosis combina. Pa 2030 expertonan ta proyecta un aumento te cu  13 miyon morto.

Cancer por wordo preveni.

Tin evidencia cu entre 30%-50% di morto causa door di cancer por wordo preveni door di:

-evita uzo di tabacco, incluso sigaria y ciga y ‘smokeless tabacco’

-mantene un peso saludabel

-come saludabel cu suficiente berdura y fruta

-haci movecion riba un base regular

-limita alcohol

“Screenings” tambe ta yuda.

Un tercera parti (⅓) di morto causa door di cancer por wordo evita si e cancer wordo detecta na tempo y trata apropiadamente. Door di hiba un estilo di bida saludabel y haci chekeonan di salud regular, nos por sera e porta y “close the gap” riba cancer.

Chek cu bo dokter di cas pa mas informacion relaciona cu chekeo di salud y ‘screening’ di cancer.

Fuente: parcial adaptacion y traduccion di un publicacion riba website di: https://www.worldcancerday.org.