85
Sero Blanco:
Diaranson algo prome cu 10’or y mey di mainta, a sosode un accidente riba e caminda di Sero Blanco pa Sero Patrishi, net prome cu e edificio di Algemeen Pensioenfonds Aruba. Un Toyota Yaris Blanco pa un of otro motibo lo a perde control, a baha caminda y a bay dal contra un palo di luz.
E impacto fuerte a laga e chauffeur y un ocupante herida. E auto a haya basta daño material na e parti di dilanti. Polis y ambulance a presenta na e sitio.
Despues cu e paramediconan di ambulance a trata e dos heridonan, a wordo transporta nan pa hospital.
Polis na e sitio, a cera e caminda pa asina por a haci e trabounan necesario.
