Ponton:
Diasabra algo despues di 2’or y mey di merdia team di aresto den un accion relampago a aresta un persona, probablemente lo mester ta trata di un persona peligroso.
E detencion aki a tuma lugar riba e caminda principal y hopi druk di Ponton, dilanti di un negoshi, caminda e persona aki lo ta traha tambe.
E persona masculino a yega den un auto y a para dilanti di e negoshi aki, e persona tabata bisti cu un short di beach, un slof di addidas y cu un tshirt dryfit geel , cu ta uniform di e negoshi.
Mesora e team di aresto cara tapa, a bay den accion, nan a bay na e auto y a saca e homber for di e auto. E homber a wordo poni riba vloer. Despues cu nan a tapa su wowo y a bisti’e boei. E polisnan a hink’e den un auto y a transport’e pa warda di polis.
E motibo di su detencion no ta conoci pa nos, pero mas sigur lo mester ta trata di un persona sumamente peligroso, cu ta wordo sospecha di un of otro crimen serio, pa motibo cu ta e team di aresto (AT) mester a efectua e detencion aki.
